ჯანმრთელობა, ჯანსაღი ცხოვრება

რით განსხვავდება უკუოსმოსის და ულტრაფილტრაციის სისტემები?

ორივე სისტემაში გამოყენებულია წყლის მემბრანული გაწმენდის მეთოდი, რომელიც დაფუძნებულია წყლის და მასში არსებული მინარევების მოლეკულების ზომების განსხვავებაზე. მემბრანა გამტარია მხოლოდ მის ფორებზე ნაკლები ზომის მოლეკულებისთვის და იონებისთვის, ფორებზე დიდი ზომის ნაწილაკები კი მემბრანის გარეთ რჩება. ორივე სისტემაში წყლის დამუშავება ხდება ისე, რომ წყალი არ განიცდის არც ქიმიურ და არც თერმულ ზემოქმედებას.  

როგორც წესი, ულტრაფილტრაციას იყენებენ იმ მიზნით, რომ მოხდეს დამატებითი გაწმენდა იმ წყლისა, რომელიც უკვე გაიწმინდა ქალაქის მუნიციპალური სამსახურების მიერ. ულტრაფილტრაციის სისტემები იდეალური გამოსავალია მათთვის, ვინც კმაყოფილია წყლის საწყისი ხარისხით, მაგრამ მათ სჭირდებათ წყლის საბოლოო დელიკატური გაწმენდა, რადგან ასეთი ფილტრით წმენდისას ხდება წყლის ბუნებრივი მარილოვანი შემადგენლობის შენარჩუნება.

უკუოსმოსის მეთოდის გამოყენებით  სახლის პირობებში შეგიძლიათ წყლის თითქმის აბსოლუტური წმენდა მოახდინოთ. წყლის სისუფთავე 95-99%-ს აღწევს. უკუოსმოსის სისტემა არ იყენებს ქიმიურ რეაგენტებს, ეკონომიურია და ეკოლოგიური, რაც ძალიან მნიშვნელოვანია თანამედროვე სამყაროში.

უკუოსმოსის და ულტრაფილტრაციას აქვთ სხვადასხვა ხარისხის გამწმენდი. ულტრაფილტრაციის სისტემები წყალს ასუფთავებენ სხვადასხვა დაბინძურებისაგან, ეფექტურად წმენდენ წყალს მექანიკური მინარევებისგან, ქლორისგან, უსიამოვნო სუნის და გემოსგან. 

როდესაც წყალი იწმინდება უკუოსმოსით, ქრება ყველა მაღალი მოლეკულური წონის დამაბინძურებელი. ფილტრი ატარებს მხოლოდ 0.3 ნმ სიდიდის მოლეკულებს, რაც ნიშნავს იმას, რომ სისტემა აკავებს პესტიციდებს, ნიტრატებს, სულფატებს, ჰერბიციდებს, რადიონუკლიდებს, ვირუსებს, მიკროორგანიზმების (რომელთა ზომები მერყეობს 20-500ნმ-მდე) და მავნე ქიმიურ მინარევებს. იდეალურად სუფთა წყალი გადადის ჰიდროპნევმატურ ავზში, სადაც ინახება წნევის ქვეშ, მანამ სანამ არ დასჭირდება მომხმარებელს.

დღეს ევროპაში ცოტა ვინმე თუ გამოიყენებს ბოთლის წყალს საკვების და სასმელის მოსამზადებლად, წყალს ფილტრავენ უკუოსმოსის და ულტრაფილტრაციის საყოფაცხოვრებო ფილტრებით. ამასთან უნდა ვიცოდეთ, რომ ბოთლებში ჩამოსხმამდე წყალი სწორედ უკუოსმოსის ან ულტრაფილტრაციის ტექნოლოგიით იწმინდება.

მომზადებულია kamkama.ge-ს მიერ. ნაწილობრივი ან სრული კოპირება შესაძლებელია მხოლოდ საიტის ადმინისტრაციასთან შეთანხმებით და წყაროს მითითებით.