საბავშვო თერმოსი კომპლექტით

      ბისფენოლ-A იგივე BPA – ეს სინთეტიკური ესტროგენია, მას აქვს უნარი დაგროვდეს ადამიანის სხეულში და ჯანმრთელობისათვის საშიში ჰორმონალური ცვლილებები და ონკოლოგიური დაავადებების პროვოცირება მოახდინოს. ბისფენოლ-A იგივე BPA-  შედის პლასტმასის ჭურჭლის შემადგენლობაში.
     რამდენიმე წლის წინ ბისფენოლ-A-ს შესახებ ბევრი არაფერი იყო ცნობილი.  კვლევებით აღმოჩნდა, რომ საბავშვო პლასტმასის რძის ბოთლების 90% გამოყოფდა დიდი რაოდენობით BPA-ს, განსაკუთრებით კი გახურებისას. ამ ნივთიერებას იყენებენ მრავალჯერადი გამოყენების ბოთლებში, პლასტმასის ჭურჭელში და კონტეინერებში. გარდა ამისა, ის ფარავს სასმელის ჭურჭლის შიდა მხარეს და კონსერვის კოლოფებს, რადგან დამჟავებისგან იცავს საკვებ პროდუქტებს.
      ბისფენოლ – A შეუძლია II ტიპის შაქრის დიაბეტის გამომწვევი მიზეზი გახდეს, აქვეითებს რეპროდუქციულ ფუნქციას. ეს აგრესიული ნივთიერება განსაკუთრებით საშიშია ორსული ქალებისათვის და ჩვილი ბავშვებისათვის. მეცნიერებმა ისეთი შემაშფოთებელი და საგანგაშო კვლევეი დადეს, რომ უკვე 2010 წელს აშშ, კანადა და ევროპის ბევრ ქვეყანაში საერთოდ აკრძალეს BPA შემადგენლობის შემცველი პლასტმასის ბოთლების და საწოვრების გამოშვება.
     უმჯობესია საერთოდ უარი თქვათ BPA ანუ ბისფენოლ-A-ს შემცველ ჭურჭელზე და შეარჩიოთ BPA free ჭურჭელი.