დაბრუნების პოლიტიკა

1. ზოგადი პირობები

1.1. წინამდებარე პოლიტიკა განსაზღვრავს ვებგვერდზე kamkama.ge დისტანციურად შეძენილი პროდუქტის დაბრუნებისა და თანხის ანაზღაურების პირობებს.
1.2. პოლიტიკა ვრცელდება მომხმარებელზე — ფიზიკურ პირზე, რომელიც პროდუქტს ან მომსახურებას იძენს უპირატესად პირადი მოხმარებისთვის და არა სამეწარმეო ან პროფესიული საქმიანობისთვის.

2. ხელშეკრულებაზე უარის თქმის უფლება

2.1. მომხმარებელს უფლება აქვს კანონმდებლობით გათვალისწინებულ შემთხვევებში დისტანციურ ხელშეკრულებაზე უარი თქვას 14 კალენდარული დღის განმავლობაში, შესაბამისი საფუძვლის მითითების გარეშე.
2.2. 14-დღიანი ვადა აითვლება:

• პროდუქტის შემთხვევაში — მომხმარებლის ან მის მიერ განსაზღვრული მესამე პირის მიერ პროდუქტის მიღებიდან;

• რამდენიმე პროდუქტით ერთიანი შეკვეთის შემთხვევაში — ბოლო პროდუქტის მიღებიდან;

• პროდუქტის ნაწილ-ნაწილ მიწოდების შემთხვევაში — ბოლო ნაწილის მიღებიდან;

• პერიოდული მიწოდების შემთხვევაში — პირველი პროდუქტის მიღებიდან;

• მომსახურების ხელშეკრულების შემთხვევაში — ხელშეკრულების დადებიდან.

2.3. დისტანციურ ხელშეკრულებებთან დაკავშირებით კანონით გათვალისწინებული სპეციალური მოთხოვნები არ ვრცელდება საქონელზე ან მომსახურებაზე, რომლის ფასი 30 ლარს არ აღემატება.

3. დაბრუნების მოთხოვნის წარდგენა

3.1. დაბრუნების სურვილის შემთხვევაში მომხმარებელმა შესაბამის ვადაში უნდა აცნობოს კომპანიას ხელშეკრულებაზე უარის თქმის შესახებ.
3.2. მოთხოვნა შეიძლება გაიგზავნოს ელ. ფოსტაზე welcome@kamkama.ge ან ვებგვერდზე მითითებული სხვა საკომუნიკაციო საშუალებით.
3.3. მოთხოვნაში უნდა მიეთითოს შეკვეთის იდენტიფიცირებისთვის საჭირო ინფორმაცია:

• მომხმარებლის სახელი და გვარი;

• შეკვეთის ნომერი ან თარიღი;

• დასაბრუნებელი პროდუქტი;

• საკონტაქტო ინფორმაცია.

4. პროდუქტის დაბრუნება

4.1. დაბრუნების მოთხოვნის დაფიქსირების შემდეგ პროდუქტი უნდა გადაეცეს კომპანიას შეთანხმებული გზით და მისამართზე.
4.2. მომხმარებელმა პროდუქტი უნდა დააბრუნოს არსებული კომპლექტაციითა და თანმხლები დოკუმენტაციით.
4.3. პროდუქტის დაბრუნების პირდაპირ ხარჯს მომხმარებელი ანაზღაურებს, გარდა კანონმდებლობით, კომპანიის შეთავაზებით ან მხარეთა შეთანხმებით გათვალისწინებული შემთხვევისა.
4.4. თუ პროდუქტის ბუნებიდან გამომდინარე მისი ჩვეულებრივი საფოსტო გზით დაბრუნება შეუძლებელია, დაბრუნების წესი და შესაბამისი ხარჯი მომხმარებელს ეცნობება ან მასთან შეთანხმდება.

5. პროდუქტის მდგომარეობა და შემოწმება

5.1. მომხმარებელს უფლება აქვს პროდუქტი შეამოწმოს მხოლოდ იმ მოცულობით, რაც აუცილებელია მისი ბუნების, მახასიათებლებისა და ფუნქციონირების დასადგენად.
5.2. თუ პროდუქტი გამოყენებულ იქნა იმაზე მეტად, ვიდრე აუცილებელია მისი შემოწმებისთვის, მომხმარებელი პასუხისმგებელია გამოყენების შედეგად წარმოშობილ ღირებულების შემცირებაზე.
5.3. კომპანია უფლებამოსილია დაბრუნებული პროდუქტი შეამოწმოს მისი მდგომარეობის, კომპლექტაციისა და გამოყენების ხარისხის დასადგენად.
5.4. პროდუქტის შეფუთვის დაზიანება თავისთავად არ გამორიცხავს დაბრუნების შესაძლებლობას, თუ კონკრეტული პროდუქტის შემთხვევაში კანონით გათვალისწინებული გამონაკლისი არ მოქმედებს.

6. ფილტრები, კარტრიჯები და სხვა სახარჯი კომპონენტები

6.1. ჰერმეტულად დაცული კარტრიჯის, მემბრანის, ფილტრაციის ელემენტის ან სხვა სახარჯი კომპონენტის ჰერმეტულობის დარღვევის ან გამოყენების შემდეგ დაბრუნების უფლება შეიძლება შეიზღუდოს, თუ კონკრეტულ შემთხვევაში მოქმედებს კანონმდებლობით გათვალისწინებული ჯანმრთელობის ან ჰიგიენური გამონაკლისი.
6.2. თუ დაბრუნებულ სისტემაში გამოყენებულია კარტრიჯი, მემბრანა ან სხვა სახარჯი კომპონენტი და მისი ხელახალი რეალიზაცია გამოყენების გამო შეუძლებელია, შესაბამისი კომპონენტის ღირებულება შეიძლება გათვალისწინებულ იქნეს პროდუქტის ღირებულების შემცირების ფარგლებში.
6.3. პროდუქტის მონტაჟი ან წყალთან შეხება თავისთავად არ გამორიცხავს დაბრუნების უფლებას, გარდა კანონმდებლობით გათვალისწინებული შემთხვევისა.
6.4. სისტემის ისეთი გამოყენება, რომელიც სცდება მისი მახასიათებლებისა და ფუნქციონირების დასადგენად აუცილებელ შემოწმებას, შეიძლება გახდეს დაბრუნებისას პროდუქტის ღირებულების შემცირების საფუძველი.

7. დაბრუნების უფლების სხვა გამონაკლისები

7.1. ხელშეკრულებაზე უარის თქმის უფლება არ ვრცელდება კანონმდებლობით გათვალისწინებულ შემთხვევებზე, მათ შორის, როდესაც:

• პროდუქტი დამზადებულია მომხმარებლის ინდივიდუალური შეკვეთით ან მორგებულია მის კონკრეტულ საჭიროებებზე;

• პროდუქტი მალფუჭებადია ან აქვს მოკლე ვარგისობის ვადა;

• მიწოდებული იყო ჰერმეტულად დაცული პროდუქტი, რომლის ჰერმეტულობა მომხმარებელმა დაარღვია და მისი დაბრუნება შეუძლებელია ჯანმრთელობის ან ჰიგიენური მიზეზების გამო;

• პროდუქტი თავისი ბუნებიდან გამომდინარე მიწოდების შემდეგ განუყოფლად შეერწყა სხვა ნივთს;

• მომსახურება სრულად შესრულდა მომხმარებლის წინასწარი თანხმობით და მომხმარებელი ინფორმირებული იყო შესაბამისი უფლების დაკარგვის შესახებ;

• მომხმარებელმა კომპანია გამოიძახა გადაუდებელი სარემონტო ან ტექნიკური მომსახურების მისაღებად, იმ მომსახურების ფარგლებში, რომლისთვისაც გამოძახება განხორციელდა.

8. თანხის ანაზღაურება

8.1. დაბრუნების პირობების დაკმაყოფილების შემთხვევაში კომპანია მომხმარებელს აუნაზღაურებს:

• პროდუქტში გადახდილ თანხას, დაბრუნებული პროდუქტის ღირებულების დასაშვები შემცირების გათვალისწინებით;

• არსებობის შემთხვევაში — სტანდარტული მიწოდებისთვის გადახდილ თანხას.

8.2. კომპანია არ არის ვალდებული აანაზღაუროს მომხმარებლის მიერ არჩეული სტანდარტულ მიწოდებაზე უფრო ძვირი მიწოდების დამატებითი ღირებულება.
8.3. თანხა ანაზღაურდება იმავე გადახდის საშუალებით, რომლითაც განხორციელდა გადახდა, თუ მომხმარებელთან სხვა რამ არ არის შეთანხმებული.
8.4. თანხის ანაზღაურება განხორციელდება დაბრუნების მოთხოვნის მიღებიდან არაუგვიანეს 14 კალენდარული დღის განმავლობაში.
8.5. კომპანია უფლებამოსილია თანხის ანაზღაურება შეაჩეროს პროდუქტის დაბრუნებამდე ან მომხმარებლის მიერ მისი გაგზავნის დამადასტურებელი დოკუმენტის წარმოდგენამდე, იმის მიხედვით, თუ რომელი გარემოება დადგება ადრე.

9. ნაკლიანი ან შეუსაბამო პროდუქტი

9.1. წინამდებარე პოლიტიკით გათვალისწინებული ხელშეკრულებაზე უარის თქმის წესი არ ზღუდავს მომხმარებლის უფლებებს ნაკლიანი ან ხელშეკრულებასთან შეუსაბამო პროდუქტის შემთხვევაში.
9.2. ასეთი შემთხვევები განიხილება „გარანტიისა და საგარანტიო მომსახურების პირობების“ შესაბამისად.