წყლის საფილტრაციო დოქი

წყლის დოქი ფილტრს აქვს განსხვავებული უპირატესობები, რომელთა შორისაა მობილურობა, მარტივი მოხმარება და ღირებულება. ამ ტიპის ფილტრები მოსახერხებელია პატარა, 2-4 ადამიანისგან შემდგარი ოჯახებისთვის და წარმოადგენს სუფთა წყლის საიმედო წყაროს ხანგრძლივი დროის განმავლობაში. 

უნდა აღინიშნოს, რომ მოცემული საფილტრაციო სისტემა მნიშვნელოვნადაა დამოკიდებული კარტრიჯების დროულად შეცვლაზე. კარტრიჯების რეგულარული შეცვლა და სწორი მოხმარება საკმარისია იმისთვის, რომ ფილტრმა პრობლემები არ შეგვიქმნას. არ გვჭირდება სანტექნიკის ცოდნა, არაა საჭირო მათი დამონტაჟება, წყალსადენის სისტემასთან დაერთება, საკმარისია ჩავასხათ წყალი ძაბრში და დაველოდოთ. დოქი ფილტრი გამოგვადგება ქალაქგარეთ სახლისთვისაც, სადაც წყალს დამატებით წმენდა სჭირდება, ამასთან იქ მუდმივად არ ვცხოვრობთ.