ტრიტანი არის მსოფლიოში ყველაზე თანამედროვე და უსაფრთხო პლასტმასის მასალა. ტრიტანი, სხვა პლასტმასებისგან განსხვავებით, არ შეიცავს ტოქსიკურ ნივთიერებებს, მათ შორის, ბისფენოლ A-ს (BPA), ბისფენოლ S-ს და სხვა ბისფენოლის ჯგუფის ქიმიურ ნაერთებს. შესაბამისად, გავლენას არ ახდენს სასმელის გემოვნურ თვისებებზე და ინერტულია ნებისმიერი სასმელის მიმართ. 

კვლევების მიხედვით ტრიტანი არ გამოყოფს ისეთ ქიმიკატებს, რომლებიც იწვევენ ორგანიზმში ესტეროგენულ და ანდროგენულ აქტივობებს და აზიანებენ ადამიანის ენდოკრინულ სისტემას. აღსანიშნავია, რომ ტრიტანის მასალა დაშვებულია საკვებთან გამოყენებისთვის ამერიკის საკვებისა და წამლების ფედერალური სააგენტოსა (FDA) და ევროპის საკვების უსაფრთხოების სააგენტოს (EFSA) მიერ. 

ჯანმრთელობასთან ერთად ტრიტანისგან დამზადებული ბოთლების უპირატესობა მის პრაქტიკულობაშია, შუშის ბოთლებისგან განსხვავებით, ტრიტანის ბოთლები დავარდნისას არ ტყდება და ბევრად უფრო მჩატეა, რაც მას სატარებლად უფრო კომფორტულს ხდის.