გთხოვთ, ყურადღებით გაეცნოთ წესებს და პირობებს.
ვებგვერდის გამოყენებისას, თქვენ ავტომატურად ეთანხმებით კონფიდენციალურობის პოლიტიკას, წესებსა და პირობებს. კანონმდებლობით გათვალისწინებული ყველა უფლებითა და ნებართვით ადასტურებთ, რომ ინფორმაციის მოწოდება მოხდა თქვენი სურვილით და თქვენ მიერ მოწოდებული ინფორმაცია წარმოადგენს ზუსტ და უტყუარ მონაცემებს.
მიწოდების და ანგარიშსწორების წესები:
ანგარიშსწორება:
პროდუქციის არჩევისა და დადასტურების შემდეგ მიჰყევით ბმულს ღილაკით – „გადახდა“ → შეარჩიეთ თქვენთვის სასურველი გადახდის მეთოდი → ონლაინ გადახდის შერჩევის შემთხვევაში ეკრანზე გამოჩნდება შესაბამისი მიმდევრობა → ბარათიდან თანხის ჩამოჭრის შემდგომ შეკვეთა ჩაითვლება გაფორმებულად. გაითვალისწინეთ, რომ შეკვეთის განთავსება შემკვეთისთვის გადახდის ვალდებულებას წარმოშობს. ადგილზე ანგარიშსწორების შემთხვევაში შეკვეთის საფასურს გადაიხდით პროდუქციის მიღების დროს.
ვებგვერდიდან პროდუქციის შესაძენად ანგარიშსწორება შესაძლებელია შემდეგი მეთოდებით:
- ნაღდი ანგარიშსწორებით – პროდუქციის მიღებისას
ონლაინ განვადება:
ონლაინ განვადებით სარგებლობისთვის, პროდუქციის კალათაში დამატების შემდგომ, შეკვეთის გვერდზე, მიჰყევით ბმულს ღილაკით “განვადების შევსება”. განვადება დასტურდება მომენტალურად. პასუხს მიიღებთ SMS შეტყობინების სახით. ამონაწერის ატვირთვის საჭიროების შემთხვევაში, განაცხადი განიხილება 1 (ერთი) დღის ვადაში.
- არასტანდარტული მონტაჟის შემთხვევაში, სხვაობას გადაიხდით მონტაჟის შესრულებისას ნაღდი ან უნაღდო ანგარიშსწორებით.
განვადება შეიძლება, დამტკიცდეს თანამონაწილეობით. აღნიშნულ შემთხვევაში, პროდუქციის მისაღებად, თანამონაწილეობის თანხა უნდა ჩარიცხოთ კომპანიის ანგარიშზე.
დისპენსერის იჯარა
- საცდელი პერიოდი – 15 (თხუთმეტი) დღის განმავლობაში, შეგიძლიათ, უფასოდ ისარგებლოთ დისპენსერით.
- დისპენსერებზე ვრცელდება გარანტია.
- იჯარის ღირებულება მოიცავს კარტრიჯების პერიოდულ შეცვლას (ყოველ 6 თვეში).
- იჯარით სარგებლობის მინიმალური პერიოდია 1 წელი, ვადის გასვლის შემდეგ შეგიძლიათ შეისყიდოთ ან დააბრუნოთ დისპენსერები.
იჯარის ფარგლებში დისპენსერის უფასო მონტაჟის პირობები
- უფასო მონტაჟი მოქმედებს ქალაქების – თბილისი, ბათუმი, გორი, ზუგდიდი, თელავი, ფოთი, რუსთავი, ქუთაისი – 30 კილომეტრის რადიუსში. დანარჩენ ლოკაციებზე მონტაჟის ღირებულება დაითვლება უახლოესი სერვისცენტრიდან დაშორების მიხედვით.
- სერვისის სამუშაო საათები: ორშაბათი – პარასკევი 10:00-18:00, შაბათი 10:00-15:00.
- წყლის ქსელიდან სამონტაჟო ადგილამდე დაშორება არ უნდა აღემატებოდეს 5 (ხუთი) მეტრს.
- წყლის ქსელზე დაერთების ადგილთან სავალდებულოა, იყოს ჩამკეტი ონკანი.
- გათხრის სამუშაოები და დამატებით სამონტაჟო მასალა დაითვლება ინდივიდუალურად.
ზოგადი პირობები
პროდუქციის მიწოდება შესაძლებელია მთელი საქართველოს მასშტაბით. მიწოდების სერვისს უზრუნველყოფს საქართველოს ფოსტის საკურიერო სამსახური.
გადახდა წარმოებს როგორც ნაღდი, ასევე უნაღდო ანგარიშსწორებით, შემდეგნაირად:
პროდუქციის არჩევის და დადასტურების შედეგ მიჰყევით ბმულს ღილაკით – „გადახდა“ → შეარჩიეთ თქვენთვის სასურველი გადახდის მეთოდი → ონლაინ გადახდის შერჩევის შემთხვევაში ეკრანზე გამოჩნდება შესაბამისი მიმდევრობა → ბარათიდან თანხის ჩამოჭრის შემდგომ შეკვეთა ჩაითვლება გაფორმებულად. ადგილზე ანგარიშსწორების შემთხვევაში, შეკვეთის საფასურს გადაიხდით პროდუქციის მიღების დროს.
მიწოდების ვადები:
შეკვეთები შეგიძლიათ, განათავსოთ 24/7 რეჟიმში. სამუშაო დღეებში განთავსებული პროდუქციის მიწოდება მოხდება:
თბილისის მასშტაბით – 1-2 სამუშაო დღის ვადაში (13:00 საათამდე განთავსებული შეკვეთის მიწოდების ათვლა იწყება იმავე დღიდან, ხოლო 13:00 საათის შემდეგ განთავსებული შეკვეთის მიწოდების ვადა – მომდევნო სამუშაო დღიდან).
დანარჩენ საქართველოში შეკვეთის მიწოდება ხდება 2-3 სამუშაო დღის ვადაში, გარდა სპეციალური ადმინისტრაციული ერთეულებისა.*
მიწოდების საათები:
პროდუქციის მიწოდება ხდება სამუშაო დღეებში, 10:00-20:00 საათებში (პროდუქციის ჩაბარება არ ხორციელდება შაბათ-კვირას და სახელმწიფო დასვენების დღეებში)
*სპეციალურ ადმინისტრაციულ ერთეულებში (მესტია, სტეფანწმინდა, დუშეთი, თიანეთი, ცაგერი და ლენტეხი) შეკვეთის მიწოდება ხორციელდება 5 სამუშაო დღის ვადაში.
მიწოდების ღირებულება:
ვებგვერდზე განთავსებული ყველა ფილტრის და ფილტრაციის აქსესუარის მიწოდება არის უფასო.
გამონაკლისს წარმოადგენს: ტაბლეტირებული მარილი, აქტივირებული ნახშირი, აქტივირებული ნახშირი (ქოქოსის ნაჭუჭის), PUROLITE C100E და PUROLITE MB400, რომელთა მიწოდების ღირებულება დაითვლება ავტომატურად, შეკვეთის საერთო წონისა და მითითებული მისამართის გათვალისწინებით.
აქციის – “სუფთა წყალი სუფთა ბოთლით” ფარგლებში: ყველა სახის ბოთლის (თერმოსები, ტრიტანის ბოთლები) მიწოდება არის უფასო საქართველოს მასშტაბით.
იმავე დღეს მიწოდება თბილისში:
შეგიძლიათ, ისარგებლოთ სწრაფი მიწოდების სერვისით თბილისის მასშტაბით:
სამუშაო დღეებში 16:00 საათამდე განთავსებული შეკვეთის მიწოდება ხდება იმავე დღეს.
სამუშაო დღეებში 16:00-ის შემდეგ და შაბათ-კვირას განთავსებული შეკვეთის მიწოდება ხდება შემდეგ სამუშაო დღეს.
მიწოდების ღირებულება – 9₾, მაქსიმალური წონა – 20კგ.
სწრაფი მიწოდების სერვისი მოქმედებს მხოლოდ ბარათით ონლაინ გადახდის შემთხვევაში.
პროდუქციის მონტაჟი და მომსახურების ტარიფები:
მონტაჟის სერვისით სარგებლობისას, პროდუქციას მოგაწვდით და დააყენებს ჩვენი ტექნიკოსი. ამ მომსახურების დაკვეთა შესაძლებელია პროდუქციის შეძენასთან ერთად.
ვებგვერდზე მოყვანილი ტარიფები მოქმედებს ქალაქების: თბილისი, ბათუმი, გორი, ზუგდიდი, თელავი, ფოთი, რუსთავი, ქუთაისი – 30 კილომეტრის რადიუსში. დანარჩენ ლოკაციებზე მონტაჟის ღირებულება გამოითვლება უახლოესი სერვის ცენტრიდან დაშორების მიხედვით.
ასეთ მუნიციპალურ ერთეულებში მონტაჟის ღირებულება ითვლება ინდივიდუალურად. მომსახურება ხორციელდება რეგიონალური ტექ. სამსახურების მიერ. მომსახურების შესაფასებლად, გთხოვთ, დაგვიკავშირდეთ ტელეფონის ნომერზე: 032 202 20 60, ვებგვერდის ჩათში ან ელ. მისამართზე: welcome@kamkama.ge .
ვებგვერდზე შეძენილი პროდუქციის დაბრუნების პირობები
მომხმარებელს* უფლება აქვს, 14 კალენდარული დღის განმავლობაში უკან დააბრუნოს ვებგვერდზე შეძენილი პროდუქცია.
აღნიშნული ვადა აითვლება:
- მომსახურების ხელშეკრულების შემთხვევაში – ხელშეკრულების დადებიდან;
- ნასყიდობის ხელშეკრულების შემთხვევაში – მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან;
- მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან;
- საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან.
პროდუქციის დაბრუნების წესი:
- პროდუქციის დაბრუნების სურვილის შემთხვევაში, გთხოვთ, ზემოთ მითითებული ვადის დაცვით, გვაცნობეთ პროდუქციის დაბრუნების შესახებ და მოგვწერეთ დასაბრუნებელი პროდუქციის მაიდენტიფიცირებელი მონაცემები: შეკვეთის თარიღი, შეკვეთის მიღების თარიღი, მომხმარებლის სახელი, მომხმარებლის მისამართი ელ. ფოსტაზე: welcome@kamkama.ge
- პროდუქციის დაბრუნების სურვილის შემთხვევაში, მომხმარებელმა დასაბრუნებელი პროდუქცია უნდა წარადგინოს კომპანიის მიერ წინასწარ განსაზღვრულ მისამართზე დაბრუნების შესახებ მოთხოვნის დაფიქსირებიდან არაუგვიანეს 7 კალენდარული დღის ვადაში.
- პროდუქციის დაბრუნების შემთხვევაში, მომხმარებელმა უნდა გასწიოს მის დაბრუნებასთან დაკავშირებული ხარჯი, თუ, საქონლის ბუნებიდან გამომდინარე, მისი ფოსტით დაბრუნება შეუძლებელია. აღნიშნული ხარჯი ექვემდებარება ანაზღაურებას ქვემოთ მოცემული წესების შესაბამისად.
- პროდუქციის დაბრუნების დროს პროდუქციას უნდა ახლდეს შეძენის დროს გადაცემული ყველა თანმხლები ნაწილი და დოკუმენტი (სასაქონლო ზედნადები, თანხის გადახდის დამადასტურებელი დოკუმენტი და სხვ.)
- თუ საქონლის ფასი შემცირდა ისეთი სარგებლობის შედეგად, რომელიც დაკავშირებული არ არის საქონლის ბუნების, მახასიათებლებისა და ფუნქციონირების დადგენასთან, მომხმარებელი ვალდებულია, დაფაროს საქონლის ფასის შემცირების შედეგად წარმოშობილი სხვაობა.
ანაზღაურების წესი და გამონაკლისები:
- კომპანია, მომხმარებლის მიერ შეძენილი პროდუქტის დაბრუნების სურვილის შემთხვევაში, მომხმარებელს სრულად აუნაზღაურებს მის მიერ პროდუქციაში გადახდილ თანხას, აგრეთვე, არსებობის შემთხვევაში, მიწოდების ხარჯის ასანაზღაურებლად გადახდილი თანხას.
- კომპანია ვალდებული არ არის, მომხმარებელს დაუბრუნოს იმ დამატებითი ხარჯის ასანაზღაურებლად გადახდილი თანხა, რომელიც დაკავშირებულია მომხმარებლის მიერ არასტანდარტული ან კომპანიის მიერ შეთავაზებული მიწოდების მომსახურებაზე უფრო ძვირი მიწოდების მომსახურების არჩევასთან.
- თანხის დაბრუნება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს და მას დამატებითი ხარჯი არ წარმოეშობა.
- თანხის დაბრუნება მოხდება წინამდებარე პირობებით დადგენილი წესითა და ოდენობით, პროდუქციის დაბრუნების მოთხოვნის შესახებ შეტყობინების მიღებიდან 14 კალენდარული დღის ვადაში.
პროდუქციის დაბრუნების მოთხოვნის შემთხვევაში, კომპანიას უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც კომპანიამ თავად იკისრა საქონლის უკან წაღება.
თუ პროდუქციას და პროდუქციის თანმხლებ ნაწილებს/დოკუმენტებს აღენიშნებათ რაიმე სახის ცვლილება, ვებგვერდის ადმინისტრაცია უფლებას იტოვებს ეჭვქვეშ დააყენოს მისი ნამდვილობა და შესაბამისად, პროდუქციის დაბრუნების პროცედურა შეაჩეროს მოკვლევითი და დიაგნოსტიკური სამუშაოების ჩატარებამდე გონივრული ვადით, თუმცა არაუგვიანეს ანაზღაურების დაბრუნებისთვის განკუთვნილი 14 კალენდარული დღისა. მოკვლევისა და დიაგნოსტირების შედეგების საფუძველზე კომპანია უფლებამოსილია, გააგრძელოს ან შეწყვიტოს პროდუქცი(ებ)ის დაბრუნების პროცედურა.
ზემოთ მოცემული პირობები არ მოქმედებს, თუ:
- კომპანიამ შეთანხმებული მომსახურება სრულად გასწია, მან მომსახურების გაწევა მომხმარებლის წინასწარი თანხმობით დაიწყო და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას;
- მიწოდებული საქონელი ან მომსახურება მომხმარებლის ინდივიდუალური შეკვეთით არის დამზადებული ან აშკარად მის პირად საჭიროებებზეა მორგებული;
- მიწოდებული საქონელი მალფუჭებადია ან მას მოკლე ვარგისობის ვადა აქვს;
- მას მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;
- მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს;
- მომხმარებელმა კომპანია გადაუდებელი სარემონტო/ტექნიკური მომსახურების გასაწევად გამოიძახა. ეს შეზღუდვა არ ვრცელდება ამ ვიზიტის ფარგლებში აღნიშნული მომსახურების მიღმა გაწეულ დამატებით მომსახურებაზე;
- პროდუქციის ან მომსახურების ღირებულება 30 ლარს არ აღემატება.
კანონისმიერი გარანტია:
თუ საქონელი ნაკლის მქონე აღმოჩნდა, მომხმარებელს* უფლება აქვს, შპს „ენსო ჯგუფს“ (ს/ნ 202463583 ) (შემდგომში “კამკამა” ან “კომპანია”) მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, კომპანიას მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.
საქონლის უსასყიდლოდ შეკეთება ან შეცვლა გულისხმობს კომპანიის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.
მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
ა) ზემოთ აღნიშნულის შესაბამისად საქონლის შეკეთება ან შეცვლა შეუძლებელია;
ბ) კომპანიამ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
გ) კომპანიის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.
მომხმარებელს უფლება აქვს, ხელშეკრულებიდან გასვლის შემთხვევაში, მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.
მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს შემდეგი პირობები:
ა) საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;
ბ) საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი;
გ) საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.
თუ მომხმარებელმა საქონლის ნაკლი საქონლის მფლობელობაში მიღებიდან 6 (ექვსი) თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში, მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 (ექვსი) თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება. მომხმარებელს უფლება აქვს, ისარგებლოს „მომხმარებლის უფლებების დაცვის შესახებ“ კანონის მე-17 (მომხმარებლის უფლებები) და მე-19 მუხლებით (კომერციული გარანტია) გათვალისწინებული უფლებებით, თუ საქონლის ნაკლი საქონლის მისთვის გადაცემიდან 2 (ორი) წლის განმავლობაში აღმოჩნდა. აღნიშნული არ ვრცელდება მეორეული საქონლის ნასყიდობაზე. ასეთი საქონლის ნასყიდობისას, ზემოთ განსაზღვრულ შემთხვევაში, მოვაჭრის პასუხისმგებლობა მხარეთა შორის ინდივიდუალური შეთანხმების საგანია.
საგარანტიო მომსახურება არ ხორციელდება/უქმდება, თუ:
- ამოიწურა ტექნიკის კანონისმიერი ან/და კომერციული საგარანტიო ვადა;
- მომხმარებელი ვერ წარმოადგენს საგარანტიო საბუთს და სხვაგვარად შეუძლებელია ნივთის იდენტიფიცირება;
- საგარანტიო საბუთში წაშლილი, შეცვლილი ან გადაკეთებულია ინფორმაცია ან არ იკითხება/ამძვრალია სერიული ნომერი და სხვაგვარად შეუძლებელია ნივთის იდენტიფიცირება;
- დაზიანება გამოწვეულია პლომბის ან ლუქის მოცილებით;
- დაზიანება გამოწვეულია მონტაჟის დროს ინსტრუქციის ტექნიკური მოთხოვნებისა და რეკომენდაციების გაუთვალისწინებლობით, ფიზიკური ზემოქმედებით და არასათანადო ექსპლუატაციით, ასევე, არასტანდარტული სამონტაჟო მასალებისა და ნაწილების გამოყენებით;
- დაზიანება გამოწვეულია დაუძლეველი ძალის შედეგად, როგორიცაა ხანძარი, ჭექა-ქუხილი, სტიქიური უბედურება და ა.შ., ასევე, მოწყობილობის გაყინვით ან ნადების წარმოქმნით, უცხო სხეულების და სითხის შეღწევით, ტრანსპორტირების, ექსპლუატაციისა და შენახვის პირობების დარღვევით;
- დაზიანება გამოწვეულია ელ. ქსელის გაუმართაობით/არასტანდარტული ელ. მომარაგებით – ცვალებადი, მაღალი ან დაბალი ელ. ენერგიის მიწოდებით, წყლის წნევით, დენის ძაბვით, ბუნებრივი აირის ხარისხით ან მომხმარებლის ბრალეული/გაუფრთხილებელი ქმედების შედეგად მექანიზმის დანესტიანებით;
- სხვა გარეშე პირების მიერ ჩატარდა სამონტაჟო ან სარემონტო სამუშაოები, რამაც გამოიწვია ნივთის დაზიანება;
- შეძენილი ტექნიკა იქნა გამოყენებული კომერციული და სამეწარმეო მიზნებისთვის.
ნივთის შეცვლისას, თუ მომხმარებელმა ავტორიზებული სერვის ცენტრის წარმომადგენელს ნივთი არ გადასცა სრული კომპლექტაციით, შეიცვლება მხოლოდ ნივთის ის ნაწილი, რომლის გადაცემაც მოხდა.
საგარანტიო სერვისი – სს “სოლვერი” (ს/ნ 402195691), მისამართი: ქ. თბილისი, სოფ. დიღომი, გიორგი ბრწყინვალეს ქ. N51, ცხელი ხაზი: (032) 247 0 247
ნებისმიერი კითხვის ან მოწყობილობის გამართულ მუშაობაზე ეჭვის გაჩენის შემთხვევაში, გთხოვთ, დაგვიკავშირდეთ სერვის ცენტრის ნომერზე, შეძლებისდაგვარად აგვიხსნათ შექმნილი სიტუაცია და სპეციალისტის მოსვლამდე იმოქმედოთ მიღებული ინსტრუქციის შესაბამისად.
* მომხმარებელი – ნებისმიერი ფიზიკური პირი, რომელსაც სთავაზობენ ან რომელიც იძენს ან შემდგომ იყენებს საქონელს ან მომსახურებას უპირატესად პირადი მოხმარების მიზნით და არა სავაჭრო, სამეწარმეო, სახელობო ან სხვა პროფესიული საქმიანობის განსახორციელებლად.
პერსონალურ მონაცემთა დამუშავებისთვის პასუხისმგებელი პირი:
შპს “ენსო ჯგუფი” (ს/ნ 202463583), მისამართი: ქ. თბილისი, ე. ბოცვაძის ქ. №4, (შემდგომში – კომპანია).
კომპანიის ვებგვერდი: https://kamkama.ge/
პერსონალურ მონაცემთა დამუშავების საფუძვლები
მონაცემთა დამუშავება დასაშვებია, თუ:
- მონაცემთა სუბიექტმა* განაცხადა თანხმობა მის შესახებ მონაცემთა ერთი ან რამდენიმე კონკრეტული მიზნით დამუშავებაზე;
- მონაცემთა დამუშავება აუცილებელია მონაცემთა სუბიექტთან დადებული გარიგებით ნაკისრი ვალდებულების შესასრულებლად ან მონაცემთა სუბიექტის მოთხოვნით გარიგების დასადებად;
- მონაცემთა დამუშავება საჭიროა დამუშავებისთვის პასუხისმგებელი პირის მიერ საქართველოს კანონმდებლობით მისთვის დაკისრებული მოვალეობების შესასრულებლად;
- კანონის თანახმად, მონაცემი საჯაროდ ხელმისაწვდომია ან მონაცემთა სუბიექტმა იგი საჯაროდ ხელმისაწვდომი გახადა;
- მონაცემთა დამუშავება აუცილებელია მონაცემთა სუბიექტის განცხადების განსახილველად (მისთვის მომსახურების გასაწევად);
- მონაცემთა დამუშავება აუცილებელია დამუშავებისთვის პასუხისმგებელი პირის ან მესამე პირის მნიშვნელოვანი ლეგიტიმური ინტერესების დასაცავად, გარდა იმ შემთხვევისა, თუ არსებობს მონაცემთა სუბიექტის (მათ შორის, არასრულწლოვანის) უფლებების დაცვის აღმატებული ინტერესი.
- მონაცემთა დამუშავება გათვალისწინებულია კანონით.
პერსონალურ მონაცემთა დამუშავების მიზანი
კომპანიის მიერ პერსონალურ მონაცემთა დამუშავება ხორციელდება შემდეგი მიზნით:
- პროდუქციის შეძენისა და მიწოდების;
- მომსახურების გაუმჯობესების;
- მარკეტინგული მიზნებისთვის;
- ხელშეკრულებით გათვალისწინებულ ვალდებულებათა შესრულებისთვის;
- მომხმარებელთა მხრიდან დაფიქსირებულ პრეტენზიებზე რეაგირებისთვის;
- პარტნიორ ფინანსურ ინსტიტუტებში ონლაინ განვადების დამტკიცების მიზნებისთვის;
- საქართველოს კანონმდებლობით გათვალისწინებულ სხვა უფლებათა და ვალდებულებათა შესრულების მიზნებისთვის.
რა სახის პერსონალურ მონაცემებს ვამუშავებთ?
ზემო ხსენებული მიზნებიდან გამომდინარე, კომპანიის მხრიდან შესაძლოა დამუშავდეს შემდეგი სახის ინფორმაცია:
- სახელი და გვარი;
- დაბადების თარიღი;
- პირადი ნომერი;
- ტელეფონის ნომერი;
- ფაქტობრივი მისამართი;
- ელ. ფოსტის მისამართი.
აღნიშნული ინფორმაციის მიწოდება სავალდებულოა მომხმარებლის მიერ შეკვეთის განხორციელებისათვის. თუ თქვენი მხრიდან არ იქნება მოწოდებული შესაბამისი ინფორმაცია, ვერ მოხდება თქვენთვის სასურველი შეკვეთის განხორციელება და მოწოდება.
გაცნობებთ, რომ ზემოთ მოცემული ინფორმაცია, საჭიროების შემთხვევაში, გადაეცემა ჩვენს პარტნიორ კომპანიებს საქონლის მიწოდების უზრუნველყოფის ან საგარანტიო თუ სხვა სახის მომსახურების გაწევის უზრუნველსაყოფად.
გარდა ამისა, კომპანიას შესაძლოა ასევე წვდომა ქონდეს პროგრამული და ტექნიკური უზრუნველყოფით გადმოცემულ ინფორმაციაზე, როგორებიცაა: თუ რა ტიპის ბრაუზერსა და ოპერაციულ სისტემას იყენებს მომხმარებელი, ვებ-გვერდზე შესვლის დრო და ხანგრძლივობა, ვებ-გვერდის დომენის სახელი. მონაცემები ასევე მუშავდება (“Cookies” საშუალებით), რომლის მეშვეობითაც წვდომა გვაქვს მომხმარებლის IP მისამართზე. ამგვარი ინფორმაციის დამუშავება ხდება ავტომატურად, შემდგომში მომსახურების გაუმჯობესების მიზნებისთვის.
პერსონალურ მონაცემთა დამუშავების ხანგრძლივობა და ფარგლები
კომპანიის მიერ მონაცემთა დამუშავება მოხდება მხოლოდ იმ ვადით, რომელიც აუცილებელია მონაცემთა დამუშავების შესაბამისი ლეგიტიმური მიზნის მისაღწევად. იმ მიზნის მიღწევის შემდეგ, რომლისთვისაც მუშავდება მონაცემები, ისინი წაიშლება, განადგურდება ან შენახული იქნება დეპერსონალიზებული ფორმით, გარდა იმ შემთხვევისა, თუ მონაცემთა დამუშავება განსაზღვრულია კანონით ან/და კანონის შესაბამისად გამოცემული კანონქვემდებარე ნორმატიული აქტით და მონაცემთა შენახვა აუცილებელი და პროპორციული ზომაა დემოკრატიულ საზოგადოებაში აღმატებული ინტერესების დასაცავად.
კომპანიის მხრიდან თქვენი პერსონალური მონაცემები შესაძლოა გამჟღავნებულ იქნას მხოლოდ იმ შემთხვევაში, თუ საფრთხე ექმნება სახელმწიფო უსაფრთხოებისა და თავდაცვის ინტერესებს, საზოგადოებრივ უსაფრთხოებას, დანაშაულის გამოვლენასა და გამოძიებასა, ქვეყნის მნიშვნელოვან ფინანსურ ან ეკონომიკურ ინტერესებს, მომხმარებლისა და სხვათა უფლებებსა და თავისუფლებებს, ასევე, სამართალდამცავი თუ კანონმდებლობით გათვალისწინებული სხვა უფლებამოსილი ორგანოების მიერ მოთხოვნის შემთხვევაში.
მონაცემთა სუბიექტის (მომხმარებლის) უფლებები
მომხმარებელს უფლება აქვს, კომპანიას მოსთხოვოს იმის დადასტურება, მუშავდება თუ არა მის შესახებ მონაცემები, დასაბუთებულია თუ არა მონაცემთა დამუშავება და მოთხოვნის შესაბამისად უსასყიდლოდ მიიღოს შემდეგი ინფორმაცია:
- მის შესახებ იმ მონაცემის თაობაზე, რომელიც მუშავდება, აგრეთვე ამ მონაცემის დამუშავების საფუძვლისა და მიზნის შესახებ;
- მონაცემთა შეგროვების/მოპოვების წყაროს შესახებ;
- მონაცემთა შენახვის ვადის (დროის) შესახებ, ხოლო თუ კონკრეტული ვადის განსაზღვრა შეუძლებელია, ვადის განსაზღვრის კრიტერიუმების თაობაზე;
- მონაცემთა გადაცემის სამართლებრივი საფუძვლისა და მიზნების, აგრეთვე მონაცემთა დაცვის სათანადო გარანტიების შესახებ, თუ მონაცემები გადაეცემა სხვა სახელმწიფოს ან საერთაშორისო ორგანიზაციას;
- მონაცემთა მიმღების ვინაობის ან მონაცემთა მიმღებების კატეგორიების შესახებ, მათ შორის, ინფორმაცია მონაცემთა გადაცემის საფუძვლისა და მიზნის თაობაზე, თუ მონაცემები მესამე პირს გადაეცემა.
მომხმარებელს უფლება აქვს ზემოთ აღნიშნული ინფორმაცია მიიღოს მისი მოთხოვნიდან არაუგვიანეს 10 სამუშაო დღისა. ეს ვადა განსაკუთრებულ შემთხვევებში და სათანადო დასაბუთებით შეიძლება გაგრძელდეს არაუმეტეს 10 სამუშაო დღით, რის შესახებაც მონაცემთა სუბიექტს დაუყოვნებლივ ეცნობება.
თუ საქართველოს კანონმდებლობით სხვა რამ არ არის გათვალისწინებული, მონაცემთა სუბიექტს უფლება აქვს, თავად აირჩიოს ზემოთ აღნიშნული ინფორმაციის მიწოდების ფორმა. ამასთანავე, თუ მონაცემთა სუბიექტი სხვა ფორმით არ მოითხოვს ინფორმაციის მიწოდებას, მას ინფორმაცია მიეწოდება იმავე ფორმით, რომლითაც მოხდა ინფორმაციის მოთხოვნა.
მომხმარებელს უფლება აქვს კომპანიაში გაეცნოს მის შესახებ არსებულ პერსონალურ მონაცემებს და უსასყიდლოდ მიიღოს ამ მონაცემების ასლები, გარდა იმ შემთხვევებისა, როდესაც მონაცემთა გაცნობისთვის ან/და მონაცემთა ასლების გაცემისთვის:
ა) საქართველოს კანონმდებლობით გათვალისწინებულია საფასური;
ბ) დამუშავებისთვის პასუხისმგებელი პირის მიერ დადგენილია გონივრული საფასური მონაცემთა შენახვის ფორმისგან განსხვავებული ფორმით მათი გაცემისთვის დახარჯული რესურსის ან/და მოთხოვნის სიხშირის გამო.
მომხმარებელს უფლება აქვს გაეცნოს აღნიშნულ მონაცემებს ან/და მიიღოს მათი ასლები მოთხოვნიდან არაუგვიანეს 10 სამუშაო დღისა, გარდა იმ შემთხვევისა, როდესაც საქართველოს კანონმდებლობით სხვა ვადა არის დადგენილი. ეს ვადა განსაკუთრებულ შემთხვევებში და სათანადო დასაბუთებით შეიძლება გაგრძელდეს არაუმეტეს 10 სამუშაო დღით, რის შესახებაც მომხმარებელს დაუყოვნებლივ ეცნობება.
მომხმარებელს უფლება აქვს გაეცნოს ზემოთ მითითებულ მონაცემებს ან/და მიიღოს მათი ასლები იმ ფორმით, რომლითაც დაცულია კომპანიაში. მომხმარებელს აგრეთვე უფლება აქვს, მოითხოვოს მის შესახებ მონაცემთა ასლების მიწოდება განსხვავებული ფორმით, კომპანიის მიერ დადგენილი გონივრული საფასურის სანაცვლოდ და იმ შემთხვევაში, თუ ეს ტექნიკურად შესაძლებელია.
თუ კომპანია მონაცემთა სუბიექტისგან დამოუკიდებლად გამოავლენს, რომ მის ხელთ არსებული მონაცემები მცდარი, არაზუსტი ან/და არასრულია, მან გონივრულ ვადაში უნდა გაასწოროს, განაახლოს ან/და შეავსოს მონაცემები და მონაცემთა გასწორებიდან 10 სამუშაო დღის ვადაში ამის შესახებ აცნობოს მონაცემთა სუბიექტს. შეტყობინების ვალდებულება არ არსებობს, თუ მონაცემების გასწორება, განახლება ან/და შევსება ტექნიკური შეცდომის გასწორებას/აღმოფხვრას უკავშირდება. თუ არსებობს ობიექტური გარემოება, რომელიც შეუძლებელს ხდის დადგენილ ვადაში მონაცემთა სუბიექტის ინფორმირების ვალდებულების შესრულებას, კომპანიამ ცვლილების განხორციელების შესახებ ინფორმაცია მონაცემთა სუბიექტს უნდა მიაწოდოს მასთან პირველი კომუნიკაციის განხორციელებისთანავე.
მონაცემთა სუბიექტს უფლება აქვს კომპანიას მოსთხოვოს მის შესახებ მცდარი, არაზუსტი ან/და არასრული მონაცემების გასწორება, განახლება ან/და შევსება. ასეთი მოთხოვნის წარდგენიდან არაუგვიანეს 10 სამუშაო დღისა (თუ საქართველოს კანონმდებლობით სხვა ვადა არ არის დადგენილი) მონაცემები უნდა გასწორდეს, განახლდეს ან/და შეივსოს ან მონაცემთა სუბიექტს ეცნობოს მოთხოვნაზე უარის თქმის საფუძველი და განემარტოს უარის გასაჩივრების წესი.
კომპანიას უფლება აქვს, უარი თქვას მონაცემთა სუბიექტის აღნიშნული მოთხოვნის დაკმაყოფილებაზე, თუ:
- არსებობს მონაცემთა დამუშავების “პერსონალურ მონაცემთა დაცვის შესახებ” საქართველოს კანონით (მუხლი 5, მუხლი 6) გათვალისწინებული რომელიმე საფუძველი;
- მონაცემები მუშავდება სამართლებრივი მოთხოვნის ან შესაგებლის დასაბუთების მიზნით;
- მონაცემთა დამუშავება აუცილებელია გამოხატვის ან ინფორმაციის თავისუფლების უფლების განსახორციელებლად;
- მონაცემები მუშავდება კანონით გათვალისწინებული საჯარო ინტერესებისთვის არქივირების მიზნით, სამეცნიერო ან ისტორიული კვლევის ან სტატისტიკური მიზნებისთვის და მონაცემთა დამუშავების შეწყვეტის, წაშლის ან განადგურების უფლების განხორციელება შეუძლებელს გახდის ან მნიშვნელოვნად დააზიანებს დამუშავების მიზნების მიღწევას.
მონაცემთა სუბიექტს უფლება აქვს, მონაცემთა დამუშავების შეწყვეტის, წაშლის ან განადგურების შესახებ ინფორმაცია მიიღოს შესაბამისი მოქმედების განხორციელებისთანავე, დაუყოვნებლივ, მაგრამ არაუგვიანეს 10 სამუშაო დღისა.
კომპანია ვალდებულია ყველა მონაცემთა მიმღებს, აგრეთვე ამავე მონაცემთა ყველა სხვა დამუშავებისთვის პასუხისმგებელ პირსა და დამუშავებაზე უფლებამოსილ პირს, რომლებსაც თავად გადასცა მონაცემები, შეატყობინოს მონაცემთა დამუშავების შეწყვეტის, წაშლის ან განადგურების შესახებ, გარდა იმ შემთხვევისა, როდესაც ასეთი ინფორმაციის მიწოდება შეუძლებელია დამუშავებისთვის პასუხისმგებელი პირების/დამუშავებაზე უფლებამოსილი პირების ან მონაცემთა მიმღებების სიმრავლის ან/და არაპროპორციულად დიდი დანახარჯების გამო.
მონაცემთა სუბიექტს უფლება აქვს, კომპანიას მოსთხოვოს მონაცემთა დაბლოკვა, თუ არსებობს ერთ-ერთი შემდეგი გარემოება:
ა) მონაცემთა სუბიექტი სადავოს ხდის მონაცემების ნამდვილობას ან სიზუსტეს;
ბ) მონაცემთა დამუშავება უკანონოა, თუმცა მონაცემთა სუბიექტი ეწინააღმდეგება მათ წაშლას და ითხოვს მონაცემთა დაბლოკვას;
გ) მონაცემები საჭირო აღარ არის მათი დამუშავების მიზნის მისაღწევად, თუმცა მონაცემთა სუბიექტს ისინი სჭირდება საჩივრის/სარჩელის წარსადგენად;
დ) მონაცემთა სუბიექტი მოითხოვს მონაცემთა დამუშავების შეწყვეტას, წაშლას ან განადგურებას და მიმდინარეობს ამ მოთხოვნის განხილვა;
ე) არსებობს მონაცემების მტკიცებულებად გამოყენების მიზნით შენახვის აუცილებლობა.
კომპანია ვალდებულია მონაცემთა სუბიექტის მოთხოვნის შემთხვევაში დაბლოკოს მონაცემები ზემოთ მითითებული ერთ-ერთი გარემოების არსებობისას, გარდა იმ შემთხვევისა, როდესაც მონაცემთა დაბლოკვამ შეიძლება საფრთხე შეუქმნას:
ა) კომპანიის მიერ კანონით ან/და კანონითა და მის საფუძველზე გამოცემული კანონქვემდებარე ნორმატიული აქტით მისთვის დაკისრებული მოვალეობების შესრულებას;
ბ) კანონის შესაბამისად საჯარო ინტერესის სფეროსთვის მიკუთვნებული ამოცანების შესრულებას ან საქართველოს კანონმდებლობით კომპანიისთვის მინიჭებული უფლებამოსილების განხორციელებას;
გ) კომპანიის ან მესამე პირის ლეგიტიმურ ინტერესებს, გარდა იმ შემთხვევისა, როდესაც არსებობს მონაცემთა სუბიექტის, განსაკუთრებით არასრულწლოვანის, უფლებების დაცვის აღმატებული ინტერესი;
დ) მონაცემთა სუბიექტის ან მესამე პირის სასიცოცხლო ინტერესებს, აგრეთვე სახელმწიფო უსაფრთხოებისა და თავდაცვას.
მონაცემთა პირდაპირი მარკეტინგული გზით დამუშავება
მიუხედავად მონაცემთა შეგროვების/მოპოვების საფუძვლისა და მათი ხელმისაწვდომობისა, კომპანია პირდაპირი მარკეტინგის მიზნით მონაცემებს დაამუშავებს მხოლოდ მონაცემთა სუბიექტის თანხმობით. ხოლო, მონაცემთა სუბიექტის სახელის, გვარის, მისამართის, ტელეფონის ნომრისა და ელექტრონული ფოსტის მისამართის გარდა, პირდაპირი მარკეტინგის მიზნით სხვა მონაცემთა დამუშავებისთვის აუცილებელია მონაცემთა სუბიექტის წერილობითი თანხმობა.
მონაცემთა სუბიექტი უფლებამოსილია, ნებისმიერ დროს გამოიხმოს მის მიერ გაცემული თანხმობა ყოველგვარ მიზეზ გარეშე. მონაცემთა სუბიექტი უფლებამოსილია მოითხოვოს პირდაპირი მარკეტინგის მიზნით მონაცემთა დამუშავების შეწყვეტა იმავე ფორმით, რომლითაც პირდაპირი მარკეტინგი ხორციელდება. ასევე, თანხმობის გამოხმობა შესაძლებელია კომპანიის ელ. ფოსტაზე welcome@kamkama.ge შეტყობინების განხორციელების გზით.
კომპანია შეწყვეტს პირდაპირი მარკეტინგის მიზნით მონაცემთა დამუშავებას მონაცემთა სუბიექტის შესაბამისი მოთხოვნის მიღებიდან გონივრულ ვადაში, მაგრამ არაუგვიანეს 7 სამუშაო დღისა. ამ ვალდებულების უზრუნველსაყოფად კომპანიას ეკისრება მონაცემთა სუბიექტის მიერ თანხმობის გამოხმობის შესახებ ინფორმაციის გაცვლის ვალდებულება.
მონაცემთა უსაფრთხოების დაცვა
კომპანია ვალდებულია, მიიღოს სათანადო ტექნიკური და ორგანიზაციული ზომები, რომლებიც უზრუნველყოფს მონაცემთა კანონმდებლობის შესაბამისად დამუშავებას და მათ დაცვას დაკარგვისგან, უკანონო დამუშავებისგან, მათ შორის, განადგურებისგან, წაშლისგან, შეცვლისგან, გამჟღავნებისგან ან გამოყენებისგან.
თუმცა ტექნოლოგიური სწრაფი განვითარების პირობებში კომპანია არ იძლევა გარანტიას, რომ მიუხედავად კომპანიის მხრიდან მიღებული უსაფრთხოების ზომებისა, სრულად მოხდება უკანონო შეღწევის, ჰაკერული და თაღლითური გზით მოპოვებული მონაცემების დაცვა შეცვლის, გამჟღავნების, დაკარგვის ან განადგურებისაგან.
საკანონმდებლო ნორმები
წინამდებარე დოკუმენტი შემუშავებულია საქართველოს კანონმდებლობის, კერძოდ „პერსონალურ მონაცემთა დაცვის შესახებ“ საქართველოს კანონის შესაბამისად.
*მონაცემთა სუბიექტი – ნებისმიერი ფიზიკური პირი, რომლის შესახებ მონაცემიც მუშავდება (მათ შორის, მომხმარებელი).
