ყველაზე ხშირად გვეკითხებიან

ულტრაფილტრაციის ფილტრებისთვის მინიმალური წნევა არის 1 ატმ. უკუ ოსმოსის უტუმბო მოდელებისთვის მინიმალური წნევა 2.5 ატმ, ტუმბოიანებისთვის საკმარისია 0.5 ატმოსფეროც. მაქსიმალური წნევა ყველა წყლის ფილტრისთვის 6 ატმ.

გამოცვლის პრაქტიკული სიხშირე დამოკიდებულია ფილტრში შემომავალი წყლის ხარისხზე და ყოველდღიური მოხმარების რაოდენობაზე. მოდულების რეგულარული და დროული შეცვლა ზრდის სისტემის მთავარი ფილტრის, ულტრაფილტრაციის მემბრანის მუშაობის ხანგრძლივობას.

სურვილის შემთხვევაში, სტანდარტული კონსტრუქციის 5 საფეხურიან მოდელებში შესაძლებელია მე-6 (მინერალიზატორი) და მე-7 (UV-სტერილიზატორი) საფეხურის დამატება.

ფილტრაციის სისტემების კომპლექტში შედის ყველა აქსესუარი ფილტრის წყალსადენზე დაერთებისათვის: ფილტრი, კარტრიჯები, მემბრანა, შემაერთებელი მილაკები, ფითინგები, გაფილტრული წყლის ონკანი, ავზი(ავზიან მოდელებში), კოლბების ქანჩი, ინსტრუქცია.

ავზის მოცულობის 65% არის წყალი, დანარჩენ 30ში არის ჩატუმბული ჰაერი წნევის შესაქმნელად. შესაბამისად, 12 ლიტრიან ავზში გროვდება 8 ლიტრი წყლის მარაგი.

მინერალიზატორში არის ბუნებრივი მინერალების – დოლომიტი, კალციტი ან შუნგიტი. ამ კომბინაციის მეშვეობით ხდება წყლის სასარგებლო მიკროელემენტებით შევსება.

ძირითადად, ულტრაიისფერ(UV) სტერილიზატორს იყენებენ წყლის საეჭვო წყაროებიდან აღების დროს, მისი დამატებითი დეზინფექციისთვის.

ადამიანის ორგანიზმისთვის აუცილებელი მინერალური ნაერთები: კალცი, მაგნიუმი, ნატრიუმი, კალიუმი, ქლორიდი.

მინერალიზაციისთვის გამოყენებული კომპონენტები ხელს უწყობენ ადამიანის ორგანიზმისთვის ოპტიმალური ხარისხის წყლის მიღებას. 

მინერალიზატორის გამოყენების შემდეგ წყალში მინერალების რაოდენობა ასე გამოიყურება: Ca2+ – 34 მგ/ლ, Na+ – 22 მგ/ლ, Mg2+ – 12 მგ/ლ, K+ – 8.5 მგ/ლ, Cl- – 0.8 მგ/ლ, F- – 0.06 მგ/ლ.

“რძისფერი” ეფექტი დაკავშირებულია გაწმენდილ წყალში დიდი ოდენობით პატარა ბუშტუკების არსებობასთან. ეს ხდება კარტრიჯებში ნარჩენი ჰაერის არსებობის გამო, რომელიც უმცირეს ფორებში გასვლის შემდეგ წარმოშობს ამ პატარა ბუშტუკებს. “რძისფერი” გვხვდება სისტემის დაყენებისთანავე ან რომელიმე კარტრიჯის (მემბრანის) შეცვლის შემდეგ და არანაირად არ მოქმედებს წმენდის ხარისხზე. ოთახის ტემპერატურებზე ეს ეფექტი გაივლის რამდენიმე დღეში. ჰაერის მიკრობუშტუკები შესამჩნევი რჩება მხოლოდ წყლის გაცხელების (ადუღების) შემთხვევაში.

ორივე ტექნოლოგია არის მემბრანული. განსხვავდება მემბრანების ფორების ზომებით, შესაბამისად, წყლის წმენდის დონით.

ულტრაფილტრაციის სისტემები იდეალური გამოსავალია მათთვის, ვინც კმაყოფილია წყლის საწყისი ხარისხით, მაგრამ მათ სჭირდებათ წყლის საბოლოო დელიკატური გაწმენდა.

უკუოსმოსის მეთოდის გამოყენებით სახლის პირობებში შეგიძლიათ წყლის თითქმის აბსოლუტური წმენდა მოახდინოთ.

ვინაიდან ძირითადად წყალში სხვადასხვა ტიპის მინარევია, საუკეთესო შედეგის მიღება შესაძლებელია მხოლოდ რამდენიმე ტიპის ფილტრის კომბინაციით. ამიტომ ოპტიმალურად ითვლება ფილტრაციის 3-5 საფეხურიანი  სისტემები.