რამდენიმე კვლევამ აჩვენა, რომ ხისტ წყალზე დაყენებული ჩაი შეიცავს ნაკლებ ფენოლურ ნაერთებს, რომელებიც ჩაის ცნობილ ანტიოქსიდანტურ თვისებებს ანიჭებენ.
თუ წყალში ჭარბადაა რკინა, აუცილებლად ვიგრძნობთ დამახასიათებელ მეტალის მომჟავო გემოს. დიდი ოდენობით რკინა უარყოფითად მოქმედებს ჩვენს ჯანმრთელობაზე და შეიძლება უამრავი დაავადების გამომწვევიც კი გახდეს; მათ შორის ჰიპერტონიის, გულთან დაკავშირებული პრობლემების, სიმსივნური დაავადებების. ხისტი წყალი აუფასურებს საუკეთესო ჩაის გემოსაც კი. ასეთ წყალში ეთერზეთები, რომლებიც ჩაის საოცარ არომატს სძენენ, ვერ გამოთავისუფლდებიან ჩაის ფოთლებისგან, რის გამოც იკარგება მისი სასიამოვნო გემო. სასმელების მოსამზადებლად გირჩევთ გამოიყენოთ გაფილტრული წყალი, რადგან ასეთ ჩაისა და ყავაში შეიგრძნობა ცოცხალი არომატები.